Plan Xeneral d'Ordenación d'Uviéu
Fase 1: Documentu de Prioridaes
Ye'l documentu nel que s'espliquen les prioridaes del modelu de la futura ordenación, basándose nos oxetivos y el modelu territorial.
Conforme a la lexislación urbanística vixente, entiende los siguientes conteníos:
· Los oxetivos y congruencia de les prioridaes colos preseos d’ordenación del territoriu.
· El modelu territorial propuestu y l’esquema d’ordenación que sintetiza:
- L’Esquema de la estructura xeneral y orgánico del territoriu.
- L’Esquema de clasificación de suelu y d’implantación d’usos residenciales y d’actividaes económiques.
- Los valores del territoriu y elementos del dominiu públicu merecedores de protección.
- La Meyora de la política municipal de suelu y vivienda venceyada al Plan.
· La tramitación prevista, indicando los períodos d’información pública y órganos alministrativos a los que se va consultar tanto na fase de coordinación alministrativa como por aciu los informes sectoriales previstos na lexislación.
Información Pública
L’apertura del trámite d’información pública va tener una duración mínima de dos meses, siendo anunciada ésta nel BOLETÍN OFICIAL del Principáu d’Asturies y, siquier, n’unu de los periódicos de mayor espardimientu na Comunidá Autónoma, tramitándose acordies con lo que dispongan les normes reglamentaries aplicables (art. 86.2 TROTU).
Participación Ciudadana
La ellaboración del PGO integra un procesu de participación pública dende les fases iniciales del mesmu, dende’l convencimientu de la importancia d’incorporar a tola sociedá na construcción del futuru modelu territorial que s’escuerre.
En cumplimientu de la lexislación y regulación urbanística del Principáu d’Asturies (TROTU y ROTU), el Conceyu d’Uviéu, empieza esti procesu cola apertura d’un periodu de trámite d’información pública previa a la formulación del plan, nel que se da a conocer un documentu, onde se explicitan les prioridaes del modelu de la futura ordenación.
Asina, de forma simultánea a la información pública, van establecese los mecanismos necesarios para abrir un ampliu alderique municipal y social.
Fase 2: Documentu d’Aprobación Inicial
va ellaborar sobro la base de la resultancia del procesu de la primer fase
A partir del documentu ellaboráu na fase previa cola participación de la ciudadanía y los axentes económicos y sociales d’Uviéu, empecípiase la formulación del Plan Xeneral d’Ordenación, que’l Conceyu d’Uviéu tendrá d’aprobar primeramente, alcordando nel mesmu actu’l so sometimientu a información pública (art. 86.1 TROTU), xuntu col Informe de sostenibilidá ambiental.
Información Pública
L’apertura del trámite d’información pública va tener una duración mínima de dos meses, siendo anunciada ésta nel BOLETÍN OFICIAL del Principáu d’Asturies y, siquier, n’unu de los periódicos de mayor espardimientu na Comunidá Autónoma, tramitándose acordies con lo que dispongan les normes reglamentaries aplicables (art. 86.2 TROTU).
Participación Ciudadana
Los ciudadanos tienen el derechu a participar nos procedimientos de tramitación y aprobación de los preseos de planiamientu urbanísticu por aciu la formulación d’allegamientos.
Asina, de forma simultánea a la información pública, van realizase los trámites de solicitú d’informes que sían preceptivos conforme a la normativa sectorial. De la mesma, va concedese audiencia a los conceyos estremeros.
Fase 3: Informe d’Allegamientos
Analís motiváu de caúna de los allegamientos realizaos mientres el periodu d'información pública del Documentu d'Aprobación Inicial, lo mesmo que de los informes sectoriales recibíos.
Rematáu’l periodu d’audiencia ellaborará’l denomináu como Informe d’Allegamientos. Esti informe va contener un analís de los allegamientos por grupos y/o temes, según un analís particularizado de caúna de los allegamientos señalándose nel so casu la so estimación o desestimación en base al ordenamientu xurídicu. D’igual forma va contener les determinaciones venceyantes determinaes polos informes sectoriales, y nel so casu, aquelles otres tomaes en considerancia.
Fase 4: Documentu de remisión a CUOTA
Redactáu conforme al resolvimientu de los allegamientos y determinaciones señalaes nos informes sectoriales recibíos, incorporándose los cambeos envaloraos pola corporación.
Dichu documentu va ser unviáu a la CUOTA (Comisión d’Urbanismu y Ordenación del Territoriu del Principáu d’Asturies) para la emisión del informe preceptivu al que se refier el art. 233 del ROTU.
Fase 5: Aprobación Definitiva
Col informe de CUOTA más l'informe Ambiental ellabórase'l Documentu d'Aprobación Definitiva para la so publicación nel Boletín Oficial del Principáu d'Asturies.
Recibíu l’informe emitíu pola CUOTA según la Memoria Ambiental, van introducise nel so casu los cambeos que correspuendan para conformar el Documentu que va ser oxetu d’Aprobación Definitiva pol plenu del Conceyu d’Uviéu. Aprobáu ésti, va unviase para la so publicación nel Boletín Oficial del Principáu d’Asturies, momentu a partir del cual Uviéu rexir pol nuevu PGO.
Enero, 2022
Lunes
Martes
Miércoles
Jueves
Viernes
Sábado
Domingo
-
-
-
-
-
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
Sin Eventos
Participación Ciudadana nel PGO d'Uviéu
Tu decides, Participa nel Foru PGO de tu Distritu.
El Foru PGO de Distritu, son unos espacios de participación nos que los vecins, axuntamos y aldericamos iniciatives para ameyorar la ciudá dende embaxo y de forma tresversal. Hai un Foru en cada unu de los 7 Distritos, con tantes temes abiertes como alcordemos que son necesarios.
¡ Participa !
